Presidenti serb Aleksandar Vuçiç u shpreh për agjencinë e lajmeve TASS këtë të premte, se vendi i tij është në rrugën evropiane, por nuk dëshiron të bashkohet me NATO.
“Dhjetë ditë më parë kam qenë në Bruksel, në selinë e NATO-s dhe u thashë 29 udhëheqësve … se Serbia nuk ka ndërmend të bashkohet me NATO,” tha ai në Beograd.
Ai theksoi se Serbia është shtet i pavarur dhe ushtarakisht do të mbetet neutral, por i fortë ushtarakisht që të jetë në gjendje ta mbrojë vetën
“Serbia do të mbajë neutralitetin e saj ushtarake.”
Ai tha gjithashtu, përpara vizitës së tij në Moskë, se Beogradi nuk i imponoi sanksionet Moskës dhe nuk do ta bëjë këtë as në të ardhmen. “Asnjë presion nuk mund të na bëjë të ndryshojmë pozicionin tonë,” shtoi ai.(M.Q/Faxweb)
Discussion about this post