Presidenti i Serbisë, Aleksander Vuçiç, sot në Bratisllavë është takuar edhe me senatorin amerikan, Rhon Jonson, të cilit i ka kërkuar edhe një herë që presidenti amerikan, Donald Trump, të vizitojë Beogradin.
Sipas kreut të shtetit serb, një vizitë e tillë do të ishte një ‘injeksion’, për të zgjidhur problemet në rajon, përfshirë këtu edhe problemin me Kosovën.
“Ka kaluar një kohë e gjatë që prej kur një president amerikan kishte qenë për vizitë në Beograd”, ka thënë Vuçiç para gazetarëve, shkruan ‘telegraf’.
Sipas tij një vizitë e Donald Trump në Serbi, do të bënte një ndryshim të madh sa i përket raporteve ndërmjet shteteve në rajon.
“Serbia është nëj vend i vogël, dhe nuk mund ti kërkojë presidentit amerikan që të angazhohet për Serbinë në baza javore apo ditore, por një vizitë e tillë do të ishte e rëndësishme dhe do të ishte një injeksion për raportet ndërmjet dy vendeve dhe për të zgjidhur problemet në rajon”.
