Ministrat e rinj teknikë kanë nisur nga puna dhe në daljet e tyre të para kanë vendosur theksin te distancimi i administratës nga veprimet e paligjshme që cënojnë zgjedhjet.
Hegla Vukaj, ministrja e Financave ka qenë në një inspektim në Degën Doganore Durrës.
Vukaj theksoi rëndësinë e përmbushjes së objektivave fiskalë dhe vlerësimin strikt të procedurave doganore për të shmangur çdo rast abuzimi, që favorizon operatorë të veçantë të biznesit, me qëllim financimin e aktiviteteve elektorale.
Ministrja paralajmëroi po ashtu masa administrative dhe ndjekje penale për çdo punonjës që shkel ligjin. Ajo kërkoi me prioritet nga agjencitë ligjzbatuese rritjen e eficencës së kontrolleve doganore kundër trafikut të drogës dhe hartimin e një plan-veprimi për një reagim të shpejtë dhë të koordinuar me Policinë Kufitare.
Në takimin me Shërbimin Doganor dhe Policinë Kufitare Durrës, ministrja e Financave Helga Vukaj shoqërohej edhe nga ministri i Brendshëm, Dritan Demiraj. (E.K/SHUPLAKA)
