Vula e PD, Mandija, “PD nuk ka kryetar, Basha ka dalë gjithandej dhe ka deklaruar dorëheqjen e tij”

Në një lidhje skype  nga gazetarja e Fax News Rovena Neziri me antaren e kryesisë në PD, Ledina Mandija, kjo e fundit u shpreh se PD do të bëj rekurs të  veçantë ndaj vendimit të Gjykatës së Apelit sapo t njihet me arsyetimin e vendimit.

Ajo tha se çështja e vulës është çështje politike dhe se PD nuk ka një kryetar.

Ndër të tjera ajo shtoi se: “Gjykata vendosi prishjen e vendimit dhe kthimin për rigjykim do të thotë që në të tlla kushte vendimi nuk është i  formës së prerë dhe ndërkohë mbetet i pezulluar zbatimi i vendimit të gjykatës së shkallës së parë.

Ndërkohë që PD do të bëjë rekurs të veçantë  ndaj vendimit të Gjykatës së Apelit sapo të njihet me arsyetimin e këtij vendimi.

Në të tilla kushte nuk kemi një vendim përfundimtar, por do të jetë Gjykata e Lartë e cila do të vlerësojë.

Çështja e vulës dhe e simboleve  nuk është çështje gjykate, por është çështje politike dhe i takon një partie politike.

Ne mendojmë që kishte një gabim proçedural sa i takon  legjitimimit procedural të deputetit Enkeled Alibeaj që ishte i zgjedhur në kuvendin e 18 dhjetorit si nënkryetar i PD, por që akoma nuk ishin regjistruar këto vendime në gjykatë.

Në të tilla raste një palë e cila nuk merr pjesë në një proçes nuk mund të ankimojë një vendim gjykate, në këto kushte ne mendojmë se Gjykata Apelit ka bërë  një gabim  nga sa i takon zbtimit të ligjit procedural duke legjitimuar deputetin Alibeaj  në ankimimin e tij para kësaj gjykate.

 Vendimi i Apelit nuk e ka rrëzuar  shkallën e parë. Grupi tjetër ka kërkuar prishje vendimi me pushim por që Gjykata e Apelit  nuk mund të shkonte deri këtu  dhe të vendoste  gjykim me pushim.

 Në të tilla kushte vendimi i shkallës së parë mbetet i pezulluar  dhe ndërkohë kemi grupin tjetër  që  funksionon me letra, që nuk ka një kryetar.

Kur bëhet një gjykim bëhet mbi bazën e fakteve të njohura botërisht  që z.Basha ka dalë gjithandej dhe ka deklaruar dorëheqjen e tij,  në të tilla kushte funksionet e mëtejshme janë zhvilluar nga z.Alibeaj, pra PD nuk ka një kryetar.

PD funksionon mbi bazën e  statutit i cili është miratuar në kuvendin kombëtar të 11 dhjetorit”.