Kryeministri Rama ka reaguar lidhur me deklaratat e opozitës për Saimir Tahirin i cili la mandatin e deputetit dhe deklaroi se ishte një qytetar i lirë për tu hetuar.
Përmes një postimi në ‘Facebook’ Rama shkruan se i vjen keq për ata që u besojnë këtyre “vulëhumburve pa atdhe”, ndërsa pyet se ç’është kjo opozitë që hedh vrer pas largimit të Tahirit dhe arrestimit të kokave të trafikut të kokainës në Gjermani dhe Spanjë.
“Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë falë bashkëpunimit tonë ndërkombëtar? ?Sa gjynah më vjen për ata që ende u besojnë këtyre vulëhumburve pa atdhe ?Po duan s’duan këta Shqipërinë do ta bëjmë”, shkruan Rama në postimin e tij para pak minutash, por kryeministri bëri një postim tjetër më pas ku paralajmëron se nuk ka mbaruar asgjë, se pas këtyre që u kapën do vijnë dhe të tjerë.
“Dhe nuk ka mbaruar jo, të tjera do pasojnë në javët që vijnë e jo se e kërkon Gjermania a bota,po se ne themi atë që bëjmë e bëjmë atë që themi!E jemi ne e askush tjetër që mund ta kalojë detin që ndan të thënat nga të bërat,sado baltë të na hedhin dhe zjarre marazi të ndezin”, shkruan Rama.
(B.H/Faxweb)
Discussion about this post