Bëhet fjalë për një nga vullkanet më të frikshëm i cili ndodhet në krah të qytetit të Napolit në Itali. Sipas shkencëtarëve të Instititutit Italian të Gjeofizikës vullkani Campi Flegrei po shfaq shenja rizgjimi, kjo për shkak të lëkundjeve të fundit sizmike në Itali, të cilat kanë zhvendosur nëntokën.
Sipas tyre, nëse Campi Flegrei shpërthen nuk bëhet fjalë për shpërthim në fuqinë e Vezuvit që shkatërroi Pompein e disa qytete romake në atë kohë, as për atë të Etnas në Siçili, por do të jetë një shpërthim 10 herë më i fuqishëm.
Ky është skenari më i keq i parashikuar prej tyre, që nëse është i vërtetë do të shkatërronte jo vetëm qytetin e Napolit, por edhe shumë qytete e qyteza të tjera italiane në një rreze prej disa kilometra.
“Shpërthimi do të ishte mjaft i madh dhe i rrezikshëm dhe kërcënues jo vetëm për Italinë, por për gjithë Europën”, thotë udhëheqësi i studimit të Campi Flegreit, Giavanni Chiodini.
Chiodini thotë se niveli i alarmit në Institutin Italian të Gjeofizikës është rritur nga jeshil në të verdhë që prej vitit 2012 dhe kjo do të thotë një monitorim i përhershëm i aktivitetit nëntokësor në këtë mal.
Sipas studiuesve shpërthimi i fundit i tij ka qenë para 39 mijë vitesh dhe vlerësohet si shpërthimi më i fuqishëm që ka ndodhur në Europë në 200 mijë vitet e fundit.(E.K/SHUPLAKA)
Discussion about this post