“Welcome Luli, një vilë për ty në Dardhë”/ Kreun e PD-së e pret ‘surpriza e hidhur’ në Korçë

Lideri demokrat Lulzim Basha ka njoftuar se do të jetë në Korçë pasditen e sotme, por duket se e ka pritur një surprizë aspak e këndshme.

Të rinjtë kanë vendosur një banderolë të veçantë mikpritjeje për të në hyrje të qytetit, aty ku ndahet rruga e qytetit të Korçës, me rrugën e zonës turistike të Dardhës.

Në banderolë shkruhet “Welcome Luli, një vilë për ty në Dardhë”.

Kjo vjen pak ditë pas zhvendosjes së liderit demokrat Lulzim Basha në një vilë luksoze në ambientet e rezidencës “Long Hill”, lëvizje kjo që është pritur jo me pak kritika në sytë e opinionit publik, sa kohë që demokrati do të duhej të ishte paksa më transparent me kontratat e qirasë.