I Ngarkuari me Punë i SHBA David Wisner është takuar me përfaqësues të Komisionit për Çështjet Ligjore, Administratën Publike, dhe të Drejtat e Njeriut, konkretisht Kryetaren Klotilda Bushka dhe Nën-Kryetaren Dhurata Çupi.
Nëpërmjet një postimi në Facebook, Ambasada bën me dije se takimi është zhvilluar ditën e sotme për të diskutuar përparësitë legjislative të Kuvendit.
Njoftimi i Ambasadës së SHBA-së: Për të diskutuar përparësitë legjislative të Kuvendit, I Ngarkuari me Punë i SHBA David Wisner u takua me Kryetaren Klotilda Bushka dhe Nën-Kryetaren Dhurata Çupi të Komisionit për Çështjet Ligjore, Administratën Publike, dhe të Drejtat e Njeriut sot pasdite.
Në njoftim bëhet me dije se është rënë dakord për çështjet kyçe të Kuvendit, që nga posti i Avokatit të Popullit, Reforma në Drejtësi si dhe rolin e qeverisë dhe të opozitës në demokracinë e vendit.
“Ata ranë dakord për rëndësinë e posteve kyçe si ai i Avokatit të Popullit, natyrën kritike të përpjekjeve të Shqipërisë për reformën në drejtësi, si dhe rolin që shumica dhe opozita luajnë në një demokraci të shëndetshme”, shkruhet në njoftim.
Discussion about this post