Nga Elbasani ministri i Brendshëm Fatmir Xhafaj ka folur në lidhje me situatën e krimit në këtë qytet dhe zbulimin e ngjarjeve kriminale që kanë ndodhur më herët. Ai tha se bandat do marrin ndëshkimin e merituar dhe se hetimi do të vazhdojë.
“Duhet të sjellim Policinë më afër qytetarëve, për të pasur një marrëdhënie të re me njerëzit. Siç kishim programuar ne kemi përmbyllur projektin pilot për riorganizimin e Policisë në qytetin e Elbasanit. Elbasani pati një situatë jo positive, situatë e cila nuk ka marrë ende zgjidhjen e duhur. Lind nevoja për të ridimensionuar këtë strukturë.
Ajo që pamë sot ishte koncepti se si do të bëhet ky riorganizim. Nuk janë gjëra qe bëhen brenda orës, brenda ditës, që të kemi një projekt sa më realist. Sa i përket çështjeve që kanë lidhje me kriminalitetin në Elbasan, ne jemi të shqetësuar në lidhje me këtë.
Kemi sjellë këtu grupet më të mira hetimore. Unë dua të them një gjë që as Çapajt dhe as Çelajt nuk mund të simbolizojnë një qytet me vlera siç është Elbasani”, u shpreh Xhafaj përpara gazetarëve.
(E.K/FAXWEB)
