Xhafaj për herë të tretë ministër, dy postet që ka mbajtur më parë

Fatmir Xhafaj nëse votohet nga Kuvendi do të mbajë karrigen e një ministri për herë të tretë. Edhe më parë gjatë qeverisjes së socialistëve ai ka mbajtur dy pozicione si Ministër.

Gjatë periudhës Shkurt-shtator 2002 Xhafaj ka qenë ministër i rregullimit të territorit dhe turizmit.

Ndërkohë që postin e Ministrit të drejtësisë e ka mbajtur për tre vite nga viti 2003 deri në vitin 2005. Në të dyja rastet Xhafaj ka marrë dekretimin e Presidentit dhe miratimin në Kuvend.

Nëse ai votohet në Kuvend do të mbajë për një periudhë relativisht të shkurtër deri në zgjedhjet e ardhshme postin e Ministrit të Brendshëm .

Dekretimi i Presidentit këtë herë ka hasur në disa thirrje kundër për shkak të dyshimeve se Xhafaj ka marrë pjesë në krimet e komunizmit si hetues i kohës. (E.K/SHUPLAKA)