Taulant Xhaka duket se e ka harruar dështimin dhe largimin nga Kombëtarja Shqiptare. Ai është rikthyer të luajë me ekipin e tij të Baselit duke arritur të aktivizohet përgjatë gjithë ndeshjes.
Kampionët në fuqi të Zvicrës marshojnë drejt titullit të radhës, pasi Jang Bojs i vendit të dytë është 20 pikë larg (me një ndeshje më pak).
Te St. Galleni, ndërkohë, mungonte Albian Ajeti, pasi kishte plotësuar numrin e kartonëve të verdhë.
Pas ndeshjes, 26-vjeçari hodhi sërish shigjeta drejt trajnerit të Shqipërisë, Xhani De Biazi. Nuk ka harruar që në mënyrë thumbuese të kujtojë mbështetjen që i është dhënë nga Trajneri i Bazelit.
“Një fitore që për mua do të thotë shumë. Dhashë si gjithmonë gjithçka në fushë për ekipin tim. Titulli kampion tashmë shumë më afër. Luaj që nga fillimi i sezonit 90 minuta, kam luajtur çdo ndeshje në Chamions Ligë dhe për këtë besim që më është dhënë falënderoj shumë trajnerin, tifozët e mrekullueshëm dhe ekipin tim FC Bazel. Kuqezi përjetë”, shkruan Xhaka. (E.K/SHUPLAKA)
