Në pjesën më të madhe të xhamive të botës, burrat dhe gratë falen veçmas.
Por në Berkeley të Kalifornisë një grup grash myslimane po përpiqet të bëjë diçka të re dhe të padëgjuar më parë.
Kur Rabi’a Keeble u konvertua në fenë islame 10 vite më parë, lutja në krah të burrave as që mund të imagjinohej.
“Fillimisht si një myslimane e re, pranova gjithçka sepse u ndjeva se ky ishte roli im. Mendova se kështu dëshironte Zoti për mua që të pranoja atë rregull që ishte. Por si person me aftësi mendimi dhe reflektimi, pas pak kohe, fillova të shihja që kishte njëpabarazi në këtë qasje”,-shprehet ajo, raporton VOA.
E indinjuar që nuk e shihte imamin kur ai drejtonte lutjet e së premtes, Saleemah Jones themeloi një xhami të re që lejon burrat dhe gratë të falen sëbashku në të njëjtin ambjent.
Por ky model ka edhe kundërshtarë, thotë themeluesja.
“Jam përballur me reagime të ashpra nga burra myslimanë por kam qenë e vendosur që në fillim që të mos i merrja parasysh kërcënimet apo gjuhën e papërshtatshme. Për shumë myslimanë, lutja veçmas e burrave dhe grave është një traditë e rëndësishme. Për disa gra nuk ka qënë ndonjëherë problem, të qënurit të ndarë nga burrat gjatë lutjeve. Nëse dikush, burrë apo grua dëshiron të bashkohet, qoftë i sektit Shiit apo Sunni apo i çfarëdo ngjyre apo vendi i botës, dëshiron të bashkohet me mua, do të ishte gjë e mirë”,-shprehet Saleemah Jones.
(M.D/Shuplaka)
