Xhelal Mziu këshilla për bastexhinjtë: Kjo skuadër do fitojë, në lloto i ftoj të gjithë të luajnë…

Kampionati shqiptar i futbollit vijon të prodhojë lajm.

Pas përfundimit të zgjedhjeve dhe fitores së Armando Dukës, kampionati po vijon me akuzat për shitje ndeshjesh.

Ka qenë Xhelal Mziu, që përveçse kryebashkiak i Kamzës mban dhe postin e presidentit të ekipit, që ka lëshuar akuza në drejtim të dy ekipeve të tjera siç janë Laçi dhe Teuta.

Këto dy skuadra pritet të ndeshen përballë njëra-tjetrës dhe Mziu ka thënë se Teuta do të fitojë pasi loja është e paracaktuar.

“Teuta do të fitojë ndeshjen e radhës kundër Laçit. Kjo ndeshje do të jetë në lloto dhe ftoj të gjithë ata që luajnë baste që të luajnë fitoren e Teutës”, tha Mziu, në Fair Play.
(F.G/Faxweb.al)