Xhelal Mziu: Rama më kërkoi që dy kolektorëve të Kamzës t’u vë emrin e tij (VIDEO)

Kreu i Bashkisë së Kamzës Xhelal Mziu ka treguar detaje nga takimi me kryeministrin Edi Rama. Teksa është ngacmuar nga dy moderatorët e “Kolaudimit ” në InTv ai ka treguar se Rama i ka kërkuar që nëse i sjell fonde për dy kolektorët e qytetit, Mziu t’ju vendosë emrin e kryeministrit. 

“Madje më bëri edhe një premtim që do t’i bëjë të dy kolektorët  por t’ju vendos unë emrin e tij këtyre. Kuptohet rrugës që do bëj sipër tyre”, u shpreh Xhelal Mziu teksa edhe qeshte.

Xhelal Mziu është bërë i njohur edhe për vendosjen e emrave të rrugëve, si ajo e Donald Trump. “Në këto 500 apo 600 emra rrugësh që kemi përdorur, kemi nxjerrë një lajmërim që duam të vendosim emrat e rrugëve, pra i morëm mendimin qytetarëve. Të gjithë ata që kishin lidhje, si për shembull kryepleqtë e fshatit apo punonjësit e Bashkisë filluan të më sillnin emrat e gjyshërve  apo të të parëve të fshatit. Në këto kushte  unë gjeta një zgjidhje tjetër”, u shpreh Mziu me tej. 

(J.V/Faxweb)