Pas lajmit për vendosjen e eksplozivit në shkallët e një lokali në qytetin e Elbasanit, forcat xheniere kanë shkuar në vendngjarje ku kanë kryer shpërthimin e kontrolluar të 100-150 gramë eksploziv, siç bën të ditur grupi hetimor.
Detaje të reja janë bërë të ditura lidhur me këtë ngjarje. Raportohet se pronari i lokalit që iu vendos sot eksploziv, është person me precedentë penalë të mëparshëm. Besnik Braka njihet edhe me emrin Nik Vojçek.
Ai rezulton i arrestuar në vitin 2015 për korrupsion aktiv ndaj gjyqtarit, me 2 vjet burg. Dy vjet përpara kësaj ngjarje, në 2013-ën, ai u ekstradua nga Mynihu i Gjermanisë drejt Shqipërisë.
Besnik Braka është dënuar me 14 vjet burg në 2009-ën për kryerjen e veprave penale të “trafikim armësh dhe municionesh”, “prodhim e shitje narkotikësh”, “prodhimit dhe mbajtje pa leje e armëve luftarake”, si dhe “falsifikimit të dokumenteve”.
Ai akuzohet edhe për sasi të madhe fishekësh të sekuestruar në shtetin grek në 2003-shin dhe për rreth 510 gramë heroinë dhe armë zjarri pistoletë në 2004-ën.
(XH.A/SHUPLAKA)
