Për pak ditë Ajka mbush një vjeç dhe me siguri që për ta si prindër për të parën herë, këto kanë qenë muajt më të bukur të jetës. Për Xhensila Myrtezajn dhe Bes Kallakun, bija e tyre është doemos përgjegjësia më e madhe, njëherësh edhe dashuria pa kushte dhe si e tillë në këto muaj të parë të jetës ata përpiqen që të tregojnë kujdesin absolut ndaj vogëlushes së tyre.
E në përditshmërinë e tyre si prindër, me siguri ka plot situata ku ata gjendjen të papërgatitur ose le të themi që gjejnë një argument për t’u kapur me fjalë…Një i ngjashëm ka ndodhur ditën e djeshme, ku Xhensila pasi ka vendosur të ndajë disa foto të reja të realizuara nga fotografi i njohur Eugenio Qose, zgjodhi të ndajë edhe një situatë zënke, nga ato të lezetshmet që vetëm prindërit e rinj e kuptojnë.
“Ai momenti kur vajza është në gjumë, edhe Besi rrëzon gjysmën e tenxhereve në kuzhinë”, shkruan Xhensila në foton e fundit ku shfaqet me një shikim me nerva. Përgjigja e Besit? “Po pra po, kur e zgjoj unë thuhet pse e zgjove, kur e zgjon ti vetë thua kishte orarin për t’u zgju ajo tani”, i kthehet ai Xhensilës.
