E ftuar në emisionin radiofonik “Hangover”, këngëtarja Xhensila Myrtezaj ka ndarë disa sekrete e të pathëna më parë.
E ëmbël dhe e freskët si gjithmonë Xhensila nuk e pati aspak problem të shfaqej në studio që në orët e para të mëngjesit, e pagrimuar. Midis të tjerash Xhensila foli edhe për lidhjen prej disa vitesh me aktorin e humorit Bes Kallaku.
E pyetur se cili është sekreti i lidhjes së tyre 7-vjeçare, ajo u shpreh se vetëm komunikimi. “Probleme ka gjithmonë në çdo lidhje, por komunikimi është gjëja më e rëndësishme sepse zgjidh defektet, defekte që kanë të gjithë, edhe unë edhe Besi”, tha këngëtarja.
E nëse mendoni se Besi bën humor vetëm në skenë, e keni gabim.Këtë dhunti të tij ai ia ka përciellë edhe Xhensilës. “Unë kam marrë shumë nga pjesa e tij, ashtu siç ka marrë edhe ai nga unë”.
Roza Lati e pyeti Xhensilën se çfarë bënte kur e shikonte Besin në televizor, ende pa e njohur nga afër. “Më ka pëlqyer shumë si personazh, para se të njiheshim. Është e vërtetë që i thoja mamit që dua ta dëgjoj njëherë atë në televizor pastaj të fle. Edhe diçka që nuk e dini, në Ethet e së Shtunës kur unë kam qenë 14 vjeç dhe performoja, ndërsa Besi më shikonte, siç më kanë thënë familjarët e tij, dhe thoshte ‘Sikur të pija një kafe me këtë gocën’. Ne jemi lidhur kur unë kam qenë 16 vjeç”. (J.V/Shuplaka)
