Fashionistja Lori Hoxha u përgjigjet kritikave se paguan gazetarët për të bërë lajme për të. Në një intervistë për “IN Tv”, të realizuar në fund të janarit të këtij viti, trashëgimtarja e Top Medias shprehet e revoltuar ndaj këtyre spekulimeve.
Kjo sepse sipas saj, ajo po t’i paguante gazetarët ata do flisnin mirë për të. Dhe jo e kundërta siç ndodh shpesh.
“Unë vetëm budalliqe lexoj për veten time. Teoria më e tmerrshme është që unë i paguaj njerëzit për këto lajme, por unë nuk do i paguaja njerëzit për të dalë kaq debile. Sepse unë nuk dua të dal kaq budallaqe. Po ti paguaja për veten ata do më lavdëronin: Lori vajzë e zgjuar, ka bërë revolucion.”, shprehet Lori.
Teksa bëjnë xhiro me makinë, Lori vazhdon më tej t’i rrëfejë gazetarit të “IN TV’ pakënaqësinë e saj.
“Unë nuk jam politikane, për mua nuk do të votojnë, unë nuk po vjedh lekë nga shteti, me pasurinë e familjes time dhe timen, sepse njerëzit harrojnë se kjo është e imja sepse unë e kam të trashëguar dhe është realisht e imja, nesër pas nesër edhe sikur të mos isha e kësaj familjeje kjo do ngelet e mia, Lori Hoxha.”, shton më tutje fashionistja. (D.D/Shuplaka)
https://www.youtube.com/watch?v=BPqHYS97rr0&feature=youtu.be
