”Petrit Vasilin e propozoi ministër Lëvizja Socialiste për Integrim, Luan Rama kryetar i Grupit Parlamentar”, sapo ka deklaruar Erisa Xhixho, Sekretarja për Marrëdhëniet me Publikun në LSI në një komunikatë të shkurtër për mediat.
”Në takim u konkludua që LSI të propozojë Z. Petrit Vasili si ministër i Drejtësisë, bazuar edhe në eksperiencën e tij si anëtar i komisionit të Reformës në Drejtësi, duke shpresuar për koordinim më të mirë të punës bashkëpunim politik brenda qeverisë.
Kryesia vendosi që të propozojë Z.Luan Rama kryetar të Grupit Parlamentar të LSI-së.”, tha më tej Xhixho. Ndërkohë Ilir Meta dhe Petrit Vasili janë në Presidencë ku po zhvillojnë një takim me Bujar Nishanin.
Sot Edi Rama firmosi shkarkimin e Ylli Manjanit, duke i drejtuar presidentit të vendit propozimin për Petrit Vasilin. Vasili ka qenë zv.ministër dhe ministër Shëndetësie. (V.G/SHUPLAKA)
Discussion about this post