I ftuar në emisionin ‘Arena’ të Dritan Hilës, historiani Pëllumb Xhufi tha se figura e Skëndërbeut duhet të vendoset në kontekstin historik dhe se shqiptarët njiheshin që më parë nga Perandoria Bizantine.
“Unë jam me mendimin që Skënderbeu duhet historicizuar, duhet të vendoset në kontekstin e tij. Shqiptarët kanë ikur shpejt në burimet Bizantine, që në shekullin e X dhe përmenden si një popull krejt i veçantë. Ata kishin të drejta të barabarta me bizantinët dhe kishin raporte me traktate e perandorin bizantine. Shqiptarët kur përmenden në kuadrin e ushtrisë bizantine, gjithmonë quhen shqiptarë dhe jo byzantine”, tha Xhufi.
Nga ana tjetër historian Virgjil Kule u shpreh se administrate sulltanore ishte ndërtuar me skllevër dhe se sulltani kishte të drejtë të dënonte edhe vezirin e madh. Kule tha gjithashtu se Skënderbeu ishte konspiracionist i madh dhe kishte njerëz të besuar.
“Administrata sulltanore e asaj periudhe ishte ndërtuar me skllevër të sulltanit, sipas tij sulltani kishte të drejtë ta dënonte me vdekje edhe sulltanin e madh”, tha Virgjil Kule.
Ai shtoi gjithashtu se Skënderbeu ka mabjtur poste edhe administrative dhe ushtarake. (B.H/Faxweb)
Discussion about this post