Kreu i opozitës Lulzim Basha do të vijojë me axhendën e tij në çadrën e protestës. Pavarësisht se në Tiranë ka mbërritur zyrtari i lartë amerikan Hoyt Brian Yee, për opozitën kauza vijon të mbetet po e njëjtë; qeveri teknike dhe zgjedhje pa opozitën nuk mund të ketë.
Takimi mes Yee dhe Bashës pritet të mbahet në orën 14 e 45, ndërkohë që tashmë zyrtari amerikan prej 20 minutash gjendet në zyrën e kryeministrit Rama.
Nuk dihet nëse do mund të arrihet një marrëveshje, po një gjë është e sigurt, nëse dhe këtë herë dështojnë takimet vendi shkon e më shumë drejt një krize.
Nga ana tjetër në mbyllje të vizitës në Shqipëri Yee do të ketë edhe një takim me dy nga të pakënaqurit në Partinë Demokratike, Majlinda Bregun dhe Astrit Patozin. (E.K/SHUPLAKA)
