Ditën e djeshme ardhja e zyrtarit amerikan në Shqipëri Hoyt Brian Yee u shoqërua me diskutime të shumta dhe në qarqet e analistëve. Në një reagim të tijin në ‘’Ora Neës’’, zyrtari i PD-së, Tomor Alizoti u shpreh ndër të tjera se Sorosi ka ndikimin e vetë dhe te yee.
‘’Edi Rama bëri atë deklaratë në CNN kundër Presidentit Trump? Sepse fondacioni i famshëm “Soros”, i cili ka financuar për idetë liberale në botë, mendoj se ka qenë një çokë e saj. Mendoj se bota njeh lobizmin, është prezent dhe administrata që është pozicionuar kundra. Nuk mund ta thotë një vend që është kulmi i demokracisë që mund të hyni në zgjedhje edhe pa opozitën. Kjo do të çojë në krizë. Yee është pjesë e administratës. Ky i përket administratës së vjetër.
Ju nuk e dini që Soros në Shqipëri ka qenë i pozicionuar edhe kundër PD-së? Absolutisht!’’, u shpreh Alizoti.
Mirëpo këto deklarata u përhpaën masivisht në media dhe zyrtari i PD-së u detyrua pak orë më vonë që të bënte një deklaratë tërheqje.
‘’Po vërej një keqkuptim në lidhje me ato që unë kam thënë në programin Tonight ne Ora Neës. Disa media thone se une kam thene qe zevendesndihmes nensekretari i shtetit Brian Hoyt Yee eshte njeri i Sorosit apo mbeshtetes i politikave te Sorosit. Dua te bej te ditur se ajo qe une kam thene eshte se administrata e larte ne ShBA eshte ne tranzicion dhe zoti Hoyt Yee perfaqeson politiken e admnistrates Obama e cila po rezulton problematike ne mjaft kuptime dhe e ndikuar ne disa raste nga Xhorxh Soros. Per cdo keqkuptim te shkaktuar nga ajo qe une kam thene dua te shpreh ndjesen time qe nuk kam qene me qarte dhe nuk kam saktesuar fort vleresimin tim dhe te PD per diplomatin e larte amerikan. Une asnjehere nuk kam etiketuar njerez dhe jo me zyrtare te larte dhe miq te vendit tone si z Hoyt Yee. ShBA do te mbetet partneri dhe frymezimi yne me domethenes sic ka qene deri me tani!’’, shprehet Alizoti në një postim në rrjetet sociale. (E.K/SHUPLAKA)
Discussion about this post