Donald Trump, konsiderohet si një ndër presidentët më të pazakontë të Amerikës.
Por, ai mund të konsiderohet si më normali, nëse shikon se kush pretendon të bëhet president në të ardhmen.
Në zgjedhjet presidenciale të 2024-s, reperi Kanye West pretendon të kandidojë për president.
Duke pasur mbështetjen e afro-amerikanëve dhe gruas së tij Kim Kardashian, që ka 150 milionë ndjekës në Instagram, ai pretendon se mund t’ja arrijë qëllimit të tij.
Për më tepër, së fundmi West ka hapur një kishë dhe bën edhe pastorin, për të tërhequr masat e krishtera në Amerikë.
Ndërkohë, një tjetër personazh i pazakontë pretendon se mund të kandidojë në zgjedhjet e 2024-s.
Bëhet fjalë për “mbretin e Instagramit”, Dan Bilzerian, i cili është bërë i famshëm në mbarë botën për festat e tij me femrat.
Me 29 milionë ndjekës në Instagram, ai thotë se po mendon të kandidojë përballë West.
Duket utopike që dy personazhe të tillë, të shihen si kandidatë për president, por tashmë Amerika na ka mësuar më surpriza të tilla, duke filluar me të parin president me ngjyrë, Barack Obama, deri tek Donald Trump.
Sigurisht zgjedhja e Obama-s ishte historike dhe ajo e Trump, e papritur, por nëse do të arrihej të zgjidhej president një personazh si Dan Bilzerian, do të ishte fundi i politikës tradicionale.
Discussion about this post