Për këdo është e vështirë që të rrisë fëmijët e tij pa nënën. Dhe kjo ka ndodhur me legjendën e futbollit anglez Rio Ferdinand.
Ai ka rrëfyer vështirësitë që ka hasur pas vdekjes së gruas së tij nga kanceri i gjirit dhe sesi i është dashur të bëjë edhe nënën për tre fëmijët e tij.
Pa drojtje ai rrëfen edhe varësinë që ka pasur nga alkoli dhe sesi kthehej orët e vona të natës në shtëpi. Është i lumtur që në mirërritjen e fëmijëve të tij e ka ndihmuar një zonjë dhe se në mungesë së tij ajo kujdesej për tre vogëlushët.
Futbollisti tregon gjithashtu për ‘’Daily Mail’’ se edhe vetëvrasja mund të ketë qenë një nga mendimet që i ka shkuar në mendje fillimisht, por falë njerëzve që e kanë rrethuar ai ka ditur t’ia dalë mbanë.
Po ashtu Ferdinand tregon se pavarësisht përkujdesjes që ka për fëmijët ai mendon se nuk do të bëjë kurrë mjaftueshëm për ta, aq sa bënte e ëma e tyre Rebecca.
‘’Ajo përdorte një mënyrë të caktuar për të rregulluar shtretësit e tyre. Çfarëdo që të bëj unë nuk do të jetë asnjëherë e mjaftueshme’’, thotë Ferdinand. (E.K/SHUPLAKA)
Discussion about this post