KED do të mblidhet ditën e sotme në 13:30 për shqyrtimin e kandidatëve për gjyqtarë në Gjykatën Kushtetuese, vendim ky që erdhi pak pas thirrjeve të ambasadores amerikane Yuri Kim dhe ambasadorit të BE-së, Luigi Soreces.
Por ish-ministri i Drejtësisë Ylli Manjani, në një shkrim në mediat sociale, thekson se edhe sikur të emërohen dy anëtare të rinj në Gjykatën Kushtetuese, sërish ajo nuk do të jetë funksionale.
Manjani shkruan se përbërjes së Gjykatës Kushtetuese i mungojnë ende 3 anëtarë që zgjidhen nga Gjykata e Lartë dhe kjo e fundit fundit nuk funksion për vete. Dreqi e di se kur do ngrihet.
“Edhe sikur të emërohen 2 anëtarë të rinj në Gjykatën Kushtetuese, për hatër të zonjës Kim, prap Gjykata Kushtetuese nuk është ende funksionale.
Përbërjes së Gjykatës Kushtetuese i mungojnë ende 3 anëtarë që zgjidhen nga Gjykata e Lartë. Kjo e fundit nuk funksion për vete. Dreqi e di se kur do ngrihet.
Janë pikërisht këto 3 anëtarë që sigurojnë në çdo rrethanë funksionalitetin normal të Gjykatës Kushtetuese.
Pa këto 3 anëtarë, kjo gjykatë është e paplotë dhe me rrisk të lartë dështimi për të marrë vendime. Nuk po flas për cilësinë e vendimmarrjes. Ky është luks.
Ndaj kjo data 31 dhjetor dhe gjykata Kushtetuese me 6 anëtarë, është thjesht hiri i radhës në sytë e opinionit publik shqipëtar.
Sa për opinionin Ndërkombëtar, besoj jemi të qartë me “hapjen e radhës të bisedimeve për anëtarësim”.”- shkruan Manjani.
Anëtarët e rinj të KED, që u përzgjodhen me short janë: Marsida Xhaferllari, Elsa Toska, Ervin Pupe, Adnan Xholi, Astrit Kalaja, Elona Toro, Gjon Fusha, Genti Xholi, Rilinda Selimi.
KED me anëtarët e rinj do të funksionojë përgjatë vitit 2021. KED është një organ kolegjial me 9 anëtarë dhe me mandat 1-vjeçar.
Ky institucion ka rol kyç në vlerësimin e kritereve profesionale e morale të kandidatëve për anëtarë të Gjykatës Kushtetuese. Ndërkohë vazhdimisht ambasadorja amerikane Yuri Kim po përsërit thirrjet për palët që ta bëjnë funksionale Gjykatën Kushtetuese deri më 31 dhjetor.
Discussion about this post