Ish-ministri i Drejtësisë Ylli Manjani nuk i ndahet çështjes së kanabizimit të vendit, pavarësisht se humbi postin më 30 janar të këtij viti, pikërisht për shkak se foli shumë mbi këtë temë. I ftuar në “Ora News”, tha se zgjedhjet e 18 qershorit janë të rrezikuara nga kanabisi.
“Jam kundërshtar i kanabizimit, kriminal. Situata e kanabisit shumë shqetësuese. Zgjedhjet janë të rrezikuara me kanabisin”, tha ish-ministri.
Më tej ai shton se biznesi i drogës është përhapur jashtëzakonisht shumë, dhe nuk është më i përqendruar vetëm në Lazarat.
“Janë elementë të veçantë që i bëjnë edhe zgjedhjet realisht i vënë në rrezik nëse sistemi kriminal, ose i kriminalizimit të shoqërisë është kapilar dhe biznesi i kanabisit tashmë është kapilar, nuk është vetëm një Lazarat. Kemi lugina të tëra, pllaja, pyje, male, toka të braktisura, në veri, jug dhe Shqipëri të mesme të cilët merren me këtë punë.”, tha Manjani. (D.D/Shuplaka)
Discussion about this post