Ylli Manjani i përgjigjet Lu-së: DOKUMENTI që tregon se Reforma është e vdekur që në nisje!

Deklarata e ambasadorit amerikan Donald Lu gjatë ditës së sotme për bashkëpunim në kuadër të reformës në drejtësi kanë nxitur reagime të shumta.

Ylli Manjani, ish-ministri i Drejtësisë ka nxjerrë sot një dokument që tregon se sa e vdekur dhe e mbaruar është reforma që në nisje.

“Ja dokumenti që tregon se sa e vdekur dhe e mbaruar është reforma që në nisje! Nuk ka emra për KLP, pa të cilën ska as Prokuror të Përgjithshëm! Ka qenë institimi i ambasadorëve që të kishim “shoqërinë civile”, të përfshirë. Ja rezultati! Të tjerat janë pallavra!”, shkruan Manjani.

Pjesë nga fjala e LU:

Reforma po hyn në një cast vendimtar, komisionet e Vetingut dhe vëzhguesit kanë punuar shumë, së shpejti do të përfundojnë cështjet e para të vetingut, kjo do të sjellë krijimin e organeve të tjera SPAK dhe BKH.

Shqiptarët presin me padurim për reformën në drejtësi dhe politikanët kanë frikë. Disa kanë thënë se fundmi se reforma në drejtësi ka vdekur, ajo nuk ka vdekur, por mundësia që politikanët e fuqishëm të manipulojnë drejtësinë është e vdekur.

Sistemi i shkuar mbrojti njerëzit me pushtet dhe pasuri mes korrupsionit dhe ndikimit politik, sistemi i ri nuk mund të ketë një prokuror të përgjithshëm që nuk ndjek askënd penalisht, ky vend nuk mund të hyjë në BE nëse ka shkallën më të ulët të ndjekjeve penale.

I kemi bërë thirrje qeverisë dhe opozitës të punojnë për një zëvendësues të përkohshëm të prokurorit të përgjithshëm që i përfundoi mandati më 7 dhjetor. Të dyja palët ti japin fund epokës kur prokurori mbron politikanët e korruptuar. Politikanët ti lënë mënjanë mosmarrëveshjet e tyre të parëndësishme dhe të zbatojnë këtë reformë në drejtësi.

(E.K/FAXWEB)