Ish-ministri i Drejtësisë Ylli Manjani ka reguar pas lajmeve se bën pjesë në listën e kandidatëve të LSI-së për zgjedhjet e ardhshme. Ai ka deklaruar se sot është propozuar thjesht për të qenë në listë dhe jo si deputet. Manjani sqaron se ka vendosur të bëjë politikë si qytetar i lirë.
“Sa i takon lajmit të “jashtzakonshëm” të futjes sime në listë, sqaroj se: Sot Jam propozuar për të qenë thjesht listë por jo për deputet! LSI vijoj t’i jem mirënjohës, por politika bëhet edhe si qytetar i lirë! Këtë kam bërë gjithmonë!”, shkruan Manjani.
Të njëjtën gjë, në konferencën e tij të fundit si Kryetar i LSI-së tha edhe Meta për Manjanin.
“Unë nuk komunikoj me statuse, aq më tepër me anëtarë të kryesisë së LSI, unë komunikoj në mënyrë institucionale, Manjani ka qenë në listë, nuk ka pranuar, është e drejtë e tij”, ishin fjalët e Metës. (D.D/Shuplaka)
Discussion about this post