Ish-ministri i Drejtësisë Ylli Manjani e ka quajtur deklaratën e zyrës së OSBE-së në Tiranë në të cilën se protesta e sotme ishte e dhunshme dhe e nxitur politikisht, si diçka të turpshme dhe të paprecedentë.
Sipas manjanit, OSBE me deklarata të tilla nxit policinë kundër popullsisë civile duke ergumentuar se qëndrimi i saj ishte kulmi i pasigurisë në Europë.
“Nuk gjendet asnjë deklaratë e ngjashme, as e përafërt, në databasën e reagimeve publike të OSBE kudo ku ajo është prezente, si kjo maskaradë që lëshuan sot kundër popullsisë civile në Shqipëri! Ndër të tjera OSBE në Shqipëri ka mandat të nxisë demokratizimin e Shqipërisë. Deklarimi i sotëm është haptazi kundër mandatit të saj diplomatik”, – shkruan Manjani në rrjetet sociale.
Sipas tij personeli i OSBE-së në Tiranë shërben në mënyrë të njëanshme duke theksuar se nuk pritej rrjeshtimi i saj në favor të dhunës shtetërore kundër popullsisë civile!
Manjani i bën thirrje opozitës që ti bojkotojë drejtuesit i kësaj prezence në çdo lloj takimi sipas tij më respekt të njerëzve të pa armatosur që u goditën me armë sot në protestë.
Statusi i plotë i Ylli Manjanit:
E turpshme dhe e paprecedentë është deklarata e bërë nga prezenca e OSBE në Tiranë, para pak minutash!
Me pak fjalë OSBE nxit policinë kundër popullsisë civile!!!
Kulmi i pasigurisë në Europë ishte kjo deklaratë!
Nuk gjendet asnjë deklaratë e ngjashme, as e përafërt, në databasën e reagimeve publike të OSBE kudo ku ajo është prezente, si kjo maskaradë që lëshuan sot kundër popullsisë civile në Shqipëri!
Ndër të tjera OSBE në Shqipëri ka mandat të nxisë demokratizimin e Shqipërisë. Deklarimi i sotëm është haptazi kundër mandatit të saj diplomatik!
Nuk pritej mbështetje për opozitën nga ky lloj personeli që shërben në krye të Prezencës krejt në mënyrë të njëanshme, por kurrsesi nuk pranohet rrjeshtimi i saj në favor të dhunës shtetërore kundër popullsisë civile!
Shumë turp!
Opozita nuk mund t’i pranojë më drejtuesit i kësaj prezence në asnjë lloj takimi. Jo për interes te vet, por në respekt të njerëzve të pa armatosur që u goditën me armë (gazi lotsjelles është armë), në mënyrë krejt jo proporcionale, sot pasdite.
(F.GJ/FAXWEB.AL)
Discussion about this post