Ish-Ministri i Drejtësisë Ylli Manjani u bën thirrje palëve politike që të ulen në dialog. I ftuar në intervistën e mbrëmjes në “Ora News”, Manjani tha se ajo që u mungon partive politike është pikërisht dialogu.
“Dialogu politik mungon, ka munguar dhe në të shkuarën por gjithmonë është gjetur një sebep, ose një Ambasador, ose një President, ose një kryetar Kuvendi që të ulë palët në tavolinë. Këtë radhë Ambasadorët me sa duket nuk e kanë me qejf këtë punë, ose nuk e kanë në axhendën e tyre. Dhe nuk mund të presim nga ata tek e fundit. Partitë tona kanë përvojë të mjaftueshme për të shkuar drejt dialogut, insistoj tek dialogu si e vetmja mënyrë që mund ti bëjë palët të bashkëpunojnë. Zgjedhjet janë pjesë e konkurencës, nuk do fitojnë të gjithë. Dikush do dalë në opozitë, dikush do qeverisë vendin.”, tha Manjani.
Kështu ai shtoi: “Të ulemi, mos të shkojmë në ekstreme.Çështjet që ngre opozita, t’i trajtojmë. Fatkeqësisht dialogu politik mungon, ka qenë shumë i vështirë. LSI ka kontribut në zbutjen e klimës politike. Mazhoranca të ftonte në dialog opozitën. PD vuri në axhendë besueshmërinë e zgjedhjeve”.
Ish-ministri e sheh manifestimin e opozitës legjitim për sakohë që ai është paqësor. (D.D/Shuplaka)
