Programi i njohur “Your Face Sounds Familiar” do të fillojë së shpejti në Tv Klan. Deri më tani ishte përfolur se një nga konkurrentët VIP që do të merrte pjesë ne juri mund të ishte këngëtarja Alma Bektashi. Po kështu me herët u fol se në karrigen e Bleonës do të ulej këngëtarja e njohur Alma Bektashi, por burime pranë produksionit të YFSF kanë pohuar për Blitz.al se anëtarja e tretë e jurisë, krah Olta Gixharit dhe Arian Çanit, do të jetë këngëtarja Albërie Hadërgjonaj.
Duhet të kujtojmë se vitin e kaluar në juri kanë qenë Bleona Qereti, Bojken Lako dhe moderatori Arian Çani.
Po kështu nuk është hera e parë që këngëtarja Albërie Hadërgjonaj është pjesë e produksioneve të Vera Grabockës dhe Alketa Vejsiut. Vitin e kaluar ajo u shpall fituese e edicionit të dytë të “Dance with me”.
Ndërsa për sa u përket konkurrentëve, deri tani janë konfirmuar personazhe si: Flaka Krelani, Herion Mustafaraj, Valon Shehu, Beatrix Ramosaj, Shpat Kasapi dhe me pikëpyetje janë edhe dy emra të tjerë që do t’i zbulojmë së shpejti. (J.V/Shuplaka)
