Yuri Kim u tregua e ashpër për përzgjedhjen e kandidatëve për deputet, vjen reagimi i PD-së: Po vetohen si asnjë parti tjetër në rajon

Ish-deputetja e Partisë Demokratike Jorida Tabaku ka reaguar pas thirrjes së ambasadores amaerikane Yuri Kim në lidhje me përzgjedhjen e kandidatëve deputetëve nga partitë politike.

Ish-deputetja pas postimit të ambasadores së SHBA-së ka nxjerrë në pah ndryshimet sipas saj mes PD-së dhe PS-së për pastërtinë e kandidatëve të të dyja palëve.

Tabaku theksoi se PD po ndërmerr një proces të bazuar në meritë për përzgjedhjen e kandidatëve për deputetë, ku të gjithë kandidatët e zgjedhur dhe të emëruar do të vetohen si në asnjë parti tjetër në rajon.

Postimi i plotë i Jorida Tabakut

“Krenare që PD ka udhëhequr procesin e dekriminalizimit dhe sot janë larguar më shumë se 17 zyrtarë të zgjedhur nga PS dhe 300 nga administrata publike. Krenarë që PD po ndërmerr një proces të bazuar në meritë për përzgjedhjen e kandidatëve për deputetë. Të gjithë kandidatët e zgjedhur dhe të emëruar do të vetohen si në asnjë parti tjetër në rajon.”