Ambasadorja amerikane Yuri Kim ka pritur në një takim prokurorët e SPAK. Lajmi u bë i ditur nga ambasada amerikane në vendin tonë.
Sakaq SHBA garanton se do të të mbështesë fort reformën në drejtësi, përfshirë SPAK-un,pasi duan një aleat të fortë, të sigurt dhe të begatë.
“Ishte nder të ftoja prokurorët e SPAK-ut në Shtëpinë Ryerson. Shprehim falënderime dhe respekt për këta prokurorë të jashtëzakonshëm, për guximin dhe profesionalizmin e tyre në përballjen me korrupsionin dhe krimin e organizuar gjatë këtyre tre viteve. Tani është koha të shtohen këto përpjekje dhe t’u jepet fund mënyrave të vjetra të pandëshkueshmërisë. SPAK po jep gjithnjë e më shumë rezultate që tregojnë se askush – sado i pasur apo i fuqishëm – nuk është mbi ligjin. SHBA do të vazhdojë të mbështesë fort reformën në drejtësi, përfshirë SPAK-un, sepse ne duam një aleat që është i fortë, i sigurt dhe i begatë dhe sepse ne besojmë – siç besojnë edhe shqiptarët – që Shqipëria e ka vendin në BE.” – Ambasadorja e SHBA Yuri Kim
