Kryeministri i ri i Maqedonisë, Zoran Zaev, është shprehur së fundmi dhe mbi çështjen e emrit të Maqedonisë.
Pas daljes nga Zyra e Prokurorisë Publike ku ishte thirrur si dëshmitar dhe i dëmtuar lidhur me çështjen e përgjimit të paligjshëm, ai deklaroi se ministri i Jashtëm ka shkuar sot në Athinë, por jo për të diskutuar për çështjen e emrit.
“Qëllimi i vizitës është që të krijojë marrëdhënie më të mira midis fqinjëve, dhe të krijojë teren për takime më të shpeshta të nivelit të lartë”, u shpreh Zaev.
Sipas Zaev, për këtë çështje do të zhvillohen konsultime me opozitën e më pas do të jetë populli që do të vendosë me anë të referendumit.
(XH.A/SHUPLAKA)
