Kryetari i LSDM-së, Zoran Zaev bëri thirrje të gjitha partive në Maqedoni që mos të bëjnë koalicion me kreun e VMRO-DPMNE, Nikola Gruevski dhe të respektojnë dëshirën e shumicës, e cila sipas tij, votoi për ndryshim.
Sipas liderit social-demokrat maqedonas, shumica e qytetarëve votuan kundër regjimit të Gruevskit.
“Po komunikojmë me partitë e vogla shqiptare”, tha Zaev, duke shtuar se në këto zgjedhje populli e bashkoi Maqedoninë, përveç se ndëshkoi regjimin e shkuar.
Maqedonia shkoi në zgjedhje të parakohshme ditën e dielë dhe LSDM doli fituese në shumë zona që banohen në shumicë nga shqiptarët, ndërsa ende asnjë parti apo koalicion nuk e ka arritur shumicën e duhur për të formuar qeverinë.
Discussion about this post