Kryministri i Maqedonisë së Veriut, Zoran Zaev gjatë konferencës së përbashkët për mediat me Kryeministrin e Shqipërisë, Edi Rama u pyet nga gazetarët edhe rreth qëndrimit që po mban opozita shqiptare në raport me Parlamentin dhe qeverinë.
Pyetjes se a mund të ketë një skenar maqedonas në Shqipëri, duke marrë parasysh edhe mënyrën se si Zaev erdhi në pushtet, Kryeministri I shtetit fqinj ju përgjigj:
“Në kohën kur unë isha opozitë raportet e SHBA, BE flisnin për një regjim hibrid në Maqedoni, gjatë asaj kohe e drejta e proceseve demokratike ishte e mundur, njëjtë si në Shqipëri, por kur flisja me Hahn, Mogerinin, me gjithë lidershipin evropian lusja për vendin tim që tu jepet data e bisedimeve se ky ishte qëllim i vendit tim pa dallim të konfrontimeve tona si shtet. E kuptoj opozitën kudo qoftë ajo, por obligimi i të gjithëve është shteti, dhe për shkak të kësaj ekzistojmë si opozitë”, tha Zaev.
Gjatë konferencës së përbashkët me kryeministrin e Shqipërisë në Tiranë, Zaev foli edhe për një mbledhje të përbashkët të qeverive respektive, që sipas tij do të zhvillohet në kuadrin e një pune të përbashkët të të dy qevriave, asaj të Shqipërisë dhe të Maqedonisë së Veriut.
Gjithashtu, Zoran Zaev theksoi se beson dhe shpreson që në qershor të këtij viti do të hapen bisedimet për tu integruar në Bashkimin Europian.
Nga ana e tij, Kryeministri Rama foli ndër të tjera për anëtarësimin e Ballkanit Perëndimor në Bashkimin Europian dhe rolin kundër që ka Rusia në këtë process, duke argumentuar se Rusia nuk është një vend tifoz I BE-së dhe iu zgjerimit të saj (Lexo këtu).
(F.GJ/FAXWEB.AL)
Discussion about this post