Dritan Zagani, ish-shefi i Antidrogës në Vlorë, i cili ka kërkuar azil dhe jeton në Zvicër, i ka komentuar deputetit gjerman Gunther Krichbaum, i cili eshte shprehur skeptik per hapjen e negociatave te BE me Shqipërinë.
Deputeti gjerman postoi në Facebook takimin e tij në Berlin me kryeministrin Edi Rama, postim në të cilin Dritan Zagani ka komentuar gjermanisht.
Zagani i shkruan deputetit gjerman se ka të drejtë për çfarë është shprehur, pasi shqiptarët po qeverisen nga politikanë të korruptuar dhe të implikuar me trafiqe droge. Zagani e ka falenderuar deputetin Krichbaum për ndihmën në procesin e demokratizimi të vendit.
“Z.Gunther Krichbaum! E vërteta dhemb, por keni plotësisht të drejtë! Mendoj se politikanët europianë duhet të jenë më shumë në gjendje për të ndihmuar popullin shqiptar, që të shpëtojnë nga kjo qeverisje, nga këta politikanë të korruptuar dhe narkotikë që sot komandojnë Shqipërinë. Të jeni të sigurt se populli shqiptar ju falenderon shumë për ndihmën tuaj në procesin e demokratizimit të vendit tonë”, shkruan Zagani, raporton “BW”.
Discussion about this post