Shefja e Fondit Monetar Ndërkombëtar, Christine Lagarde, ka reaguar lidhur me incidentin e rëndë të shënuar një ditë më parë në zyrat e FMN-së në Paris.
Një anëtar i stafit të FMN-së mbeti i plagosur si pasojë e shpërthimit të një zarfi në momentin që e hapi atë.
Në një deklaratë për shtyp, Lagarde është shprehur se e dënon këtë akt frikacak të dhunës dhe konfirmon vendosmërinë e Fondit Monetar Ndërkombëtar për të vazhduar punën.
Shpërthimi pasi zarfi u hap shkaktoi lëndime për një prej stafit tone. Unë e dënoj këtë akt frikacak të dhunës dhe riafirmoj vendosmërinë e FMN-së për të vazhduar punën tonë në përputhje me mandatin tonë. Ne jemi duke punuar ngushtë me autoritetet franceze për të hetuar këtë incident dhe për të siguruar sigurinë e stafit tone.”, është shprehur ajo.
Ndërkaq flitet se zarfi-bombë ishte dërguar nga Greqia, çka ka shtyrë edhe autoritetet e këtij vendi të nisin hetimin.
(XH.A/SHUPLAKA)
Discussion about this post