Kleotos Çeliku ishte 34 vjeçari i cili humbi jetën ditën e djeshme pasi u fut në një pusetë 4 metra të thellë për të bërë zhbllokimin e saj në qytetin e Shkodrës. Mësohet se 34 vjeçari ka humbur jetën nga asfiksia, mungesa e oksigjenit.
Si ndodhi ngjarja e rëndë?
Sipas hetimeve të deritanishme dyshohet se në pusetë ka pasur gaz metan, i cili është çliruar nga ujërat e zeza dhe që nuk i ka lejuar frymëmarrjen e nevojshme të riut. Për t’i dhënë ndihmë, në pusetë hyri dhe një koleg i tij.
Gjon Gjoni, 58 vjeç, nuk ia doli të shpëtojë Çelikun, madje rrezikoi edhe jetën e tij. Për fat të mirë, në ndihmë të tij erdhi një banor i zonës, i cili arriti ta nxirrte nga thellësia.
35 vjeçari kur ka hyrë në pusetë nuk ka qenë i pajisur me bombolë oksigjeni dhe maskë kundragazi, ç’ka është një shkelje e rëndë e kushteve teknike.
Discussion about this post