Ndërkohë që pritet një vendim nga Lëvizja Socialiste për Integrim për djegien e mandateve, në selinë e LSI-së ka pasur debate midis ish-ministrave dhe deputetëve të rinj.
Burime bëjnë të ditur se disa ish ministra e LSI-së janë shprehur kundër djegies së mandateve, duke treguar se betejën poltike duhet ta vijojnë në terren.
Mësohet se mbledhja ndërmjet kryesisë së LSI-së po vijon prej një ore, ndërkohë që bëhet e ditur se deputetët e rinj janë pro djegies së mandatave.(Lexo këtu)
Më herët Edmond Panariti, Viktor Tushaj, Flioda Kërpaçi, Klajda Gjosha, Nora Malaj, Kejdi Mehmetaj, Silva Caka, Endrit Brahimllari kanë postuar në Facebook qëndrimin pro ndaj djegies së mandateve të tyre të deputetit duke e shprehur sipas qëndrimit të tyre personal.
Burime nga selia e LSI-së bëhet me dije se do të ketë dhe një komunikim zyrtar për këtë çështje, çka me shumë gjasa do të çojë në lënien e mandatit të gjithë përfaqësuesve të kësaj force politike.
(M.Q/Faxweb.al)
Discussion about this post