Dalin detaje të reja nga prokuroria, mbi ngjarjen e vrasjes së Gazmend Çollakut në janar të 2016-ës.
Prokuroria bën me dije se ka dorëzuar sërish dosjen e Çollakut në gjykatë. Në këtë dosje thuhet se Çollaku u “rrëmbye nga njerëz me uniformë”.
Sipas prokurorisë, Çollaku është rrëmbyer në mes të Durrësit, mbajtur peng dhe është torturuar mbrëmjen e 6 janarit të këtij viti, dhe më pas trupi i tij është gjetur pa jetë mëngjesin e nesërm, anës rrugës së fshatit Murqinë në Krujë.
Prokuroria akuzon Denis Shtrazajn dhe oficerin e policisë Ervin Dalipajn, si autorë të kësaj ngjarjeje të rëndë.
Mbi Shtrazajn dhe Dalipajn peshojnë akuzat “për mbajtje pa të drejtë të uniformës”, dhe tjera është “për armëmbajtje pa leje”.
Prokuroria Bën me dije se kishte kërkuar edhe 2 muaj kohë për hetimet, por më 16 nëntor u vendos që afati do jetë 1 muaj e 15 ditë.
Ndërsa avokati i Shtrazës, Alban Qafa deklaroi se kanë kaluar mbi 9 muaj nga hetimet për klientin e tij dhe se prokuroria ka pasur gjithë kohën e nevojshme në dispozicion.
