Zbardhen detaje të panjohura nga performanca e Shkëlzen Dolit në Tiranë

Është kthyer në temën kryesore të ditës Koncerti i 2 Janarit në Tiranë, me qeverinë dhe kryeministrin Edi Rama që reklamojnë ardhjen e Filarmonisë së Vjenës, ndërsa opozita, gazetarë, artistë e aktivistë të ndryshëm thonë të kundërtën.

“Shuplaka” mëson se, në koncertin e 2 Janarit në Tiranë do të performojnë 31 artistë nga Filarmonia e Vjenës, mes të cilëve edhe 5 shqiptarë: violonisti me famë botërore Shkëlzen Doli dhe 4 shoqërues të tij. Ndërsa do të ketë edhe teknikë.

Detaji i dytë që mëson “Shuplaka” është se, në pushimin mes pjesëve të luajtura më 1 janar në Koncertin e Vjenës do të transmetohet një dokumentar për kryeqytetin austriak, ndërsa një ditë më pas, në Tiranë, do të transmetohet një dokumentar për kulturën shqiptare.

Ndërkohë, gazetari Artur Cani, përmes një postimi në Facebook, jep detaje duke mbi koncertin duke ironizuar.

“Çu qorollepsët kështu mo me një koncert. Dëgjomeni e mbamëni vesh mua e mo thoni pastaj që s’dëgjuam. Do të vinë mo do të vinë 31 orkestrantë të orkestrës së Vjenës, me ta do te jenë edhe pesë muzikantë shqiptarë”, shkruan gazetari investigativ, duke konfirmuar edhe lajmin e “Shuplaka”.

Postimi i plotë i Artur Çanit:

“Cu qorollepset keshtu mo me nje koncert. Degjomeni e mbameni vesh mua e mo thoni pastaj qe s’degjuam. Do te vine mo do te vine 31 orkestrante te orkestres se Vjenes, me ta do te jene edhe pese muzikant shqiptare. Nuk do kene me vete ate “qemanen of me aman aman”. Repertorin do ta kene njesoj me ate te koncertit te vjenes, por nuk do kene kengen me fame boterore “Triste domenica” se kane mos ritet numri i vetvrasjeve. Pilotet e avionit, stjuardeshat, tekniket e skenes dhe te zerit qe do vine nga Vjena, nuk perfshohen ne numeron e pergjitheshme te atire qe do na udherojne na jashte.
Do kete nje ndryshim nga koncerti i Vjenes qe ne pushimin ndermjet dy pjeseve dokumentari qe do cfaqet do te jete per Shqiperine e jo per Austrine.
Edhe nje ndryshom tjater. Publiku nuk do te jete ai nderkombetari aristokratik i kualifikuar i koncertit te Vjenes, por snobet e rinj shqipo me ofiqe nje pjese e mire e te cileve do ta kene per here te pare qe do degjojne vaset e Shtrausve. – Mazja“

Ndërkohë, lajmin e “Shuplaka” e ka konfirmuar edhe vetë artisti Shkëlzen Doli përmes një postimi në rrjetet sociale.

Sipas raportimeve të fundit, interesi i jashtëzakonshëm për koncertin në fjalë ka bërë që shitja e biletave  të përfundojë në kohë rekord, pavarësisht se çmimet varionin nga 3000, 5000, 6000 dhe 7000 lekë, në bazë të vendit në sallë. (A.R/SHUPLAKA)