Zbardhen detajet e atentatit në Elbasan, kujt iu vunë 300 gramë tritol poshtë makinës

Pas lajmit për alarm për bombë në teatrin “Skampa” në elbasan, policia ka zbuluar detajet e ngjarjes.

Sipas policisë në Lagjen “Luigj Gurakuqi”, në Bulevardin kryesor në kryqëzimin “Kristoforidhi”, është marrë informacion se në tokë poshtë një automjeti të parkuar ndodhej një pako e zezë.

Kjo pako dyshohej të përmbante lëndë plasëse, policia ka evakuuar personat përreth duke vendosur perimetrin e sigurisë.

Në vendngjarje mbërritën edhe forcat antieksploziv të Reneas, të cilat bënë edhe çaktivizimin e lëndës plasëse që ndodhej poshtë makinës së qytetarit me iniciale F.V.

Bardhë e blutë bëjnë me dije se brenda pakos kishte rreth 300 gramë lëndë eksplozive si dhe një aparat celular.

Ngjarja ka përhapur panik te qytetarët dhe kalimtarët në këtë zonë të populluar të qytetit të Elbasanit, ndërsa policia vazhdon hetimet për zbardhjen e ngjarjes. (D.D/Shuplaka)