Kanë dalë arsyet pse Universiteti i Tiranës mori një vlerësim të ulët dhe u akreditua vetëm për një vit, ndërkohë universitet në qarqe të tjera të vendin morën akreditim deri në 5 vitet e ardhshme.
Programet mësimore të vjetra, procesi i vleresimit, mungesa e teksteve shkollore dhe materialeve online, mungesa e infrastruktura mësimore, janë disa prej problemeve kyçe pse UT u vlerësua kaq pak nga britanikët.
Sipas burimeve të “Shuplaka-s” Universitetin e Tiranës e kanë kontrolluar pjestarët e stafit britanikë, kurse në universitet në qarqe të tjera të vendit përveç britanikëv ka pasur edhe staf shqiptar.
“1. Programet mesimore jane te vjetra, te kaluara ne kohe, permban dublikime.
2. Procesi i vleresimit dhe notave qe iu vihen studenteve ne universitet nuk eshte i vlefshem, i sakte dhe i ndershem.
3. Mungese te teksteve shkollore dhe materialeve online.
4. Nuk kryen vleresimin e performances se stafeve akademike duke nenkuptuar stafe akademike jo te pershtatshme per punen qe kryejne.
5. Mungon infrastruktura mesimore duke ulur ne maksimum cilesine e mesimdhenies. ” janë 5 arsyet pse UT-ja u akreditua vetëm për një vit.
Dy dokumentet ekskulzuive janë publikuar nga “Nisma Thurje” ku shihen fare qartë problemet në universitetin e Tiranës.
PJESË NGA DOKUMENTI
Skuadra e kërkimit ka identifikuar këto dobësi:
-Mungesa e një qëndrimi të qartë për misionin e Universitetit dhe objektivat e miratuara në statutin e vitit 2009-të dhe vonesa për të zhvilluar një statut të korrigjuar për të çuar më lart vlerësimet e vitit 2015-të në ligjin për edukimin.
-Mungesa e një strategjie aktuale dhe të kompletuar.
-Një raport vjetor nuk iu parashtrua ministrisë në vitin 2016-të
-Mungesa e një niveli institucional për kërkimin e tregut për të përforcuar misionin dhe qëllimin e misionit.
-Mungesa e provave për një trajtim të kuptueshëm, të dokumentuar dhe në përputhje me vlerësimet periodike të aftësive dhe performancës së stafit .
-Website me përmbajtje, format dhe stil të parregullt, është në zhvillim e sipër në seksionet kyçe dhe në mbështetjen e saj në shqip.
-Presion i vazhdueshëm në mjedisin dhe infrastrukturën për performancën akademike dhe shkencore
-Baza e të dhënave të programeve të studimit është e vjetëruar, përmban duplikime dhe ka mungesë të një dokumentacioni të ligjshëm.
-Lëvizshmëri e ulët e studentëve në krahasim me programet europiane
-Mungesa e provave të qarta dhe të dokumentuara për një sistem të moderuar që do të siguronte palët e interesuara, se proceset e vlerësuara janë të vlefshme dhe sakta dhe të drejta.
-Mungesa e një politike formale për plagjiaturën, dhe të tjera sjellje të këqija akademike.
-Mungesa e një politike të dokumentuar dhe të qartë të Universitetit për cilësine e vlerësimit të programeve të studimit
-Mungesa e një strategjie formale të kërkimit, për të udhëhequr drejt prioriteteve
-Pajisje dhe akses i pamaftueshëm në tekste dhe materialet online
-Mungesa e një politike të qartë për trajtimin parandalues dhe kurues në përmirësimin e shëndetit të studentëve
-Të dhëna statistikore për punësimin e të diplomuarve nuk janë mbajtur askund.
(J.V/Shuplaka)
[ngg_images source=”galleries” container_ids=”2824″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
