Në mbledhjen e sotme të qeverisë, Këshilli i Ministrave ka marrë një sërë vendimesh, ndërkohë që janë publikuar në faqen zyrtare të kryeministrisë.
Në një vendim të Këshillit të Ministrave është miratuar emërimi drejtor i Cirkut Kombëtar të Ilirjan Gjinit. Ilirjan Gjini do të zerë vendin e Saimir Çilit, i cili u lirua nga detyra në 2 tetor të këtij viti.
Këshilli i Ministrave po ashtu ka miratuar një tjetër vendim që ka në fokus fëmijët e familjeve të prekura nga tërmeti i 26 nënorit.
Sipas VKM-së, nxënësit të cilët ndjekin arsimin parauniversitar dhe arsimin e mesëm profesional në institucionet arsimore publike, anëtarë të familjes së personave që kanë humbur jetën në qarqet Durrës, Tiranë dhe Lezhë do përfitojnë një bursë mujore prej 15 mijë lekësh të reja.
VKM PER BURSAT:
Përfitojnë bursë në masën 15 000 (pesëmbëdhjetë mijë) lekë në muaj nxënësit, të cilët ndjekin arsimin parauniversitar dhe arsimin e mesëm profesional në institucionet arsimore publike, anëtarë të familjes së personave që kanë humbur jetën ose janë shpallur të zhdukur në qarqet Durrës, Tiranë dhe Lezhë, si pasojë e tërmetit të datës 26.11.2019.”.
Sipas vendimit zyrtar të publikuar, Ilirjan Gjini do të jetë drejtori i ri i Cirkut Kombëtar duke zënë vendin e Saimir Çilit i cili u lirua nga kjo detyrë më 2 tetor të këtij viti.
Vendimi i plotë:
V E N D I M
PËR
EMËRIMIN NË DETYRË TË DREJTORIT TЁ CIRKUT KOMBËTAR
Në mbështetje të nenit 100 të Kushtetutës dhe të pikave 1 e 3, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave
V E N D O S I:
Ilirjan Gjini emërohet drejtor i Cirkut Kombëtar.
Ky vendim hyn në fuqi menjëherë dhe botohet në “Fletoren zyrtare”.
Discussion about this post