Për ngjarjen e rëndë që ka ndodhur në Kukës ku një 17-vjeçare është gjetur e varur në një pishë “Shuplaka” ka mësuar detaje të reja. Sipas burimeve mësohet se 17-vjeçarja i ka dhënë fund jetës për shkak të një lidhje dashurie.
Adoleshentja kishte konflikte të vazhdueshme me familjen pasi kjo e fundit nuk e pranonte këtë lidhje. Theksojmë që prej 18 ditësh vajza ishte e humbur për familjarët pasi ajo ishte larguar nga banesa ku jetonte në fshtain Gdheshtë të Kukësit. Familja sot ka marrë lajim e kobshëm.
DETAJE:
Zyrtarisht policia thotë se më datë 19.09.2017, në vijim të kërkimeve për gjetjen e shtetases A.H., të shpallur në kërkim, bazuar në denoncimin e bërë nga i ati, për largim e saj nga banesa, nga efektivat e Drejtorisë Vendore të Policisë Kukës, gjatë kontrollit të territorit në fshatin Pistë, në kodër, është gjetur e varur me litar në një pishë, shtetasja A.H., 17 vjeçe, banuese në fshatin Gdheshtë, Kukës.
Kjo shtetase ka qenë shpallur në kërkim për largim nga banesa, pasi më datë 02.09.2017, është paraqitur në Komisariatin e Policisë Kukës, babai, shtetasi B.H, ku ka denoncuar largimin e saj nga banesa.
Nga ekspertiza mjeko-ligjore, në trupin e viktimës nuk ka shenja dhune, si dhe dyshohet të jetë vetëvarur.
Po punohet për sqarimin e rrethanave të ngjarjes. Materialet për veprime të mëtejshme do t’i kalojnë Prokurorisë së Rrethit Gjyqësor Kukës. (J.V/Shuplaka)
Discussion about this post