Zbardhet axhenda e kryedemokratit Lulzim Basha me dy ministrat e Jashtëm të Holandës dhe Gjermanisë. Sipas informacioneve që jep Partia Demokratike, Basha do t’i takojë sot të dy, por veç e veç.
”Shuplaka’‘, mëson se takimi i parë do të realizohet me ministrin e Jashtëm të Holandës, në orën 14:30 në Hotel ”Rogner” dhe pas gjysmë ore, është caktuar takimi me ministrin e Jashtëm Gjerman.
Një kohë shumë e shkurtër për takimin e parë, vetëm 30 minuta ka menduar që Basha t’i lërë në dispozicion Bert Koenders që më pas koha do të shkojë për Sigmar Gabriel.
Ndërkohë që nuk ka asnjë informacion se çfarë do ndodhë me përfaquesin e PPE-së, McAllister në ditët në vijim. Kjo javë pritet të jetë mjaft aktive përsa i përket zhvillimeve të politikës po edhe të përfaqësuesve të jashtëm që vizitojnë Shqipërinë.
Takimi i së shtunës mes kryeministrit Rama dhe kryetarit të Parlamentit Meta doli në konkluzionin se për të zgjidhur ngërçin me PD-në duhet t’i drejtoheshin Partive Popullore Europiane.
Gabriel dhe Koender janë dy nga diplomatët më të rëndësishëm europiane, që e mbështesin perspektivën europiane të Shqipërisë, por gjithashtu kërkojnë që Shqipëria të kryejë detyrat për hapjen e negociatave, reformën në drejtësi, pjesëmarrjen në institucione dhe vendosjen e dialogut për t’i dhënë vendit zgjedhje të standardeve europiane.
Po ashtu në kuadër të zgjidhjes së krizës politike mes partive në vendin tonë sot pritet të mbërrijë kryetari i komisionit të jashtëm të parlamentit europian, David McAllister. Zëvendëspresidenti i partive opullore europiane është pranuar nga forcat politike kryesore, që të marrë rolin e negociatorit për të zgjidhur krizën nëpërmjet dialogut. (V.G/SHUPLAKA)
Discussion about this post