Kryeministri Edi Rama do të zhvillojë në Qarkun e Shkodrës një takim pune dy ditor, ku është mësuar edhe axhenda e tij. Më datë 08 dhjetor 2017 ora 15:30 Kryeministri Rama do të inspektojë punimet në rrugën Shkodër-Velipojë dhe në orën 16:00 do inspektojë Hidrovorin e Velipojës.
Kryeministri Rama, zëvendëskryeministrat, ministra e drejtues të lartë të shtetit do të qëndrojnë në këtë qytet për dy ditë me radhë. Sot qeveria Rama do të jetë në orën 17:00 në Fototekën Marubi ku do të zhvillojë takimin e parë dhe pas 1 ore ata do të zhvendosen në biblotekën universitare. Ne orën 18:00, kryeministri Rama do të marrë pjesë në një takim me studentë të Shkodrës me rastin e 60 vjetorit të krijimit të biblotekës universitare.
Ndërkohë në ditën e dytë të qëndrimit, kabineti “Rama 2” do të shpërndahen në qarkun e Shkodrës me misione të ndryshme. Vetë kryeministri do të udhetojë drejt Pukës ku do të inspektojë punimet për “Rilindjen Urbane” ndërsa zëvendëskryeministrja Senida Mesi në orën 10:25 së bashku me ministrën e Kulturës Mirela Kumbaro do të marrin pjesë në një ekspozitë në prefekturën e Shkodrës.
Në orën 11:00, Mesi me ministren e Drejtësisë, Etilda Gjonaj, do të inspektojë burgun e Reçit ndërsa 1 orë më pas ka planifikuar një takim me biznesin. Ndërkohë ministrja e Arsimit, Lindita Nikolla do të takohet me drejtuesit e arsimit në Shkodër në kuadër të organizimeve për festat e fundvitit.
Në orën 20:00 numri një i qeverisë do organizojë një darkë në Bar Restorant “Meridiani” në qytetin e Shkdorës. Ndërsa të nesërmen më datë 09 dhjetor 2017 ora 09:30 në kinema “Millenium” organizohet takimi i hapur i KKT-së.
Discussion about this post