Lulzim Berisha ka firmosur ditën e sotme formularin që i është dërguar nga Operacioni Forca e Ligjit për justifikimin e pasurisë së tij, ndërsa mësohet se permes tij ka dëshmuar se nuk disponon asgjë.
Ish-kreu i ‘Bandës së Durrësit’, po i nënshtrohet verifikimit nga OFL, pasi dyshohet se ka krijuar pasuri përmes veprimtarive kriminale ndërsa rezulton që në bazë të një vërtetimi të lëshuar nga Kadastra thuhet se nuk ka asnjë pronë të regjistruar në emër të tij.
Lulzim Berisha ishte dënuar fillimisht me burgim të përjetshëm ndërsa iu zbrit dënimi në 25 vite, porn ë kohën kur I kishin mbetur edhe 5 vite dënim për të kryer, u lirua nga burgu në dhjetor 2016 pas një procesi të gjatë padish e kërkesash që avokatët e tij bënë në gjykata.
Berisha u lirua me vendim gjykatë duke iu vendosur kushti i urdhërit të provës dhe që për 5 vjet të mos kryejë vepër tjetër penale si edhe të mbajë kontakt me Shërbimin e Provës Durrës.
(F.GJ/FAXWEB.AL)
Discussion about this post