Zbardhen detaje të reja mbi grabitjen e 2.7 milionë eurove në afërsi të Rinasit, ngjarje për të cilën u arrestuan 5 punonjësit e policisë private “Jaguar”, të cilët shoqëronin shumën e parave për në aeroport.
Nga vetë dëshmitë e tyre, policët vërtetojnë akoma më shumë se neglizhencën e tyre. Sipas një të përditshme shqiptare, e cila ka zbardhur dëshmitë e të arrestuarve, neglizhencën e tyre punonjësit e policisë private e justifikojnë me panikun.
“Dyshuam që në momentin që pamë njërën makinë pas nesh që po tentonte disa herë të na parakalonte, por më pas menduam se ishte thjesht një tentativë parakalimi e zakonshme. Më pas na zuri paniku dhe nuk kisha si të lajmëroja policinë. Kundërshtova fillimisht duke qëlluar në ajër me armë, por ata na qëlluan drejtpërdrejt dhe nuk e di si nuk na zunë plumbat”, ka treguar dje njëri prej punonjësve të policisë private.
I njëjti polic shton se në makinën ku ndodhej ai bashkë me dy kolegë të tjerë, ndodheshin edhe thasët me para që po i transportonin drejt Rinasit.
“Dy makina kanë ecur paralel me dy mjetet tona dhe njëra prej makinave, më duket se ishte “Jeep”, ka goditur në pjesën ballore blindën e parë ku ndodheshin 2 punonjës, e më pas të dytin, që isha unë e dy kolegët. Jam i terrorizuar nga ajo që pashë”, shton polici privat. (D.D/Shuplaka)
Discussion about this post